လူဟာ လူကဆင်းသက်တယ်

``ဒေါက် .....ဒေါက်...´´

``မစ္စတာ ဒါဝင် ရှိပါသလားခင်ဗျာ´´

``ဒေါက်... ဒေါက်´´
တစ်နေ့တာ ၂၄ နာရီအတွင်း အားလပ်ချိန်ရှားပါးလှပါဘိတော့။ သုတေသနလုပ်ငန်းတွေ၊ လက်တွေ့စမ်းသပ်ချက်တွေကြားမှာ ခေါင်းမဖေါ်နိုင်။ စားချိန်မမှန်။ အိပ်ချိန်ဆိုသည်ကား ကြုံသလို။ ပင်ပန်းသလားဆိုတော့ မစ္စတာ ချားလ်စ်ဒါဝင်အဖို့ မပင်ပန်းပါ။ အဲဒီသုတေသနများ၊ စမ်းသပ်ချက်များက သူ့ဘ၀။ သူ့ပျော်ရွှင်ရာ။


အခုလည်း``လူဟာ မျောက်က ဆင်းသက်လာပါတယ်´´ ဆိုတဲ့ သီအိုရီကိုတင်သွင်းအပြီး နောက်ထပ်သုတေသနတစ်ခုမတိုင်ခင် ဧည့်ခန်းထဲမှာ ခဏလေးအနားယူနေတုန်း အခုလို တံခါးခေါက်သံ ထွက်ပေါ်လာခြင်းပင်။


``ဟုတ်ကဲ့ ရှိပါတယ် ...၀င်ခဲ့ပါ´´

သူ့အသံပြုပြီးပြီးချင်းမှာပဲ အိမ်တံခါးပွင့်သွားပြီး ဥရောပ၀တ်စုံကို သေသပ်ကျနစွာဝတ်ဆင်ထားတဲ့ ချင်ပန်ဇီမျောက်တစ်ကောင်က အတက်ခ်ျကေ့စ်ကို လက်မှာဆွဲပြီး ခပ်ယို့ယို့လေးဝင်လာပါတယ်။

``ဟို ...ဆရာကြီး ချားလ်စ်ဒါဝင်ဆိုတာ ... ...´´
``ဟုတ်ပါတယ် ကျုပ်ပါပဲ´´

ချင်ပန်ဇီက အတက်ခ်ျကေ့စ်လေးကိုအသာဘေးချပြီး ဆရာကြီးညွှန်ပြတဲ့ ထိုင်ခုံမှာ ၀င်ထိုင်လိုက်ပါတယ်။

`` ကျနော်က ချင်ပန်ဇီတို့ရဲ့ အကြီးအကဲပါ´´
``ဟုတ်ပါပြီ ...မောင်ရင့် လာရင်းကိစ္စကိုဆိုပါဦး´´

``အဲ ...ဒီလိုပါဆရာကြီး .... ဆရာကြီးရဲ့ လူဆိုတာဟာ မျောက်ကနေဆင်းသက်လာပါတယ် ဆိုတဲ့သီအိုရီကို ပယ်ဖျက်ပေးစေချင်လို့ပါခင်ဗျာ ...အဲဒီအဆိုကိုသာ ပယ်ဖျက်ပေးခဲ့ရင် ဟောဒီအတက်ခ်ျကေ့စ်ထဲမှာ ငွေအပြည့် ....´´

``တော် ! မောင်ရင် ...ကျုပ်ဟာ သိပ္ပံပညာရှင်၊ စီးပွားရေးသမားမဟုတ်ဘူး။ မောင်ရင့်ငွေတွေကို ကျုပ်က ဘာလုပ်ရမှာတုန်း။ အေး  တစ်ခုတော့ရှိတယ်။ လူဟာမျောက်ကနေဆင်းသက်လာတာမဟုတ်ပါဘူးလို့ မောင်ရင်က ခိုင်လုံအောင် သက်သေပြနိုင်ရင် ကျုပ်အဆိုကိုပယ်ဖျက်ပေးမယ်။ ဘာတစ်ပြားမှပေးစရာမလိုဘူး´´

``ဟုတ်ကဲ့ ကျနော်သက်သေပြနိုင်ပါတယ်´´
``ဆိုစမ်းပါဦး´´

.........................

``ဆရာကြီးတို့လူတွေမှာ ဂုဏ်နိမ့်၊ ဂုဏ်မြင့် ခွဲတတ်ပါသလား´´
``ခွဲလေ့ရှိကြပါတယ်´´


``ဟုတ်ပြီ ...ဆင်းရဲ၊ ချမ်းသာ ခွဲလေ့ရှိပါသလား´´
``အင်း ...ခွဲကြတာပေါ့´´


``နောက် ....လူတွေမှာ တစ်ယောက်နဲ့တစ်ယောက် အကောက်ကြံကြတယ်ဆိုတာ ရှိပါသလား´´
``သိပ်ရှိတာပေါ့´´


``ပြီးတော့ ...လူတွေပြောပြောနေကြတဲ့ အာဏာ ဆိုတာ စားရပါသလား ဆရာကြီးခင်ဗျာ´´
``အာ ..မစားရပါဘူး´´


``အဲဒီမစားရတဲ့ အာဏာကို လူတွေက မက်မောတတ်ကြပါသလား´´
``သိပ်မက်မောကြတာပေါ့ ..´´


``နောက်ပြီး ... ... လူတွေက စစ်ပွဲတွေကို ဘာကြောင့်ဆင်နွှဲကြပါသလဲခင်ဗျာ´´
``တန်ခိုးအာဏာအတွက်၊ ကြွယ်ဝချမ်းသာမှုအတွက်၊ နယ်မြေချဲ့တွင်ဖို့အတွက်၊ ဘာသာရေးအတွက် ...
အဲဒါတွေကြောင့်ပေါ့ ´´


``ဟုတ်ပါပြီ ..စစ်ပွဲတစ်ခုဖြစ်လာရင် ဘယ်သူကမြတ်ပြီး ဘယ်သူက ရှုံးပါသလဲခင်ဗျာ´´
``နှစ်ဖက်လုံး ရှုံးတယ်´´


``ဗျာ ! လင်းပါဦး ဆရာကြီးခင်ဗျာ´´
``စစ်ပွဲတစ်ခုဖြစ်လာပြီဆိုရင် မဆိုင်တဲ့ပြည်သူလူထုရဲ့ စိးပွားရေး၊ လူမှုရေး၊ ကျန်းမာရေး ...... အဲဒါတွေအားလုံး ထိခိုက်မယ်။ အပြစ်မဲ့ အမျိုးသမီးတွေ၊ ဘာမှမသိရှာသေးတဲ့ ကလေးငယ်တွေရဲ့ အသက်ဇီဝိန်တွေမလုံခြုံတော့ဘူး။ ....အင်း ...ပြောရရင်တော့ အများကြီးပဲ ´´

``ဟုတ်ပါပြီခင်ဗျာ ...ဒါဆိုရင် ဘာအကျိုးမှမရှိတဲ့ စစ်ပွဲတွေကို လူတွေကဘာကြောင့် ဆင်နွှဲနေကြပါသလဲ´´

`` အင်း ... အဲ ... မောင်ရင့်မေးခွန်းက အစကိုပြန်ရောက်သွားပြီ ´´

``ဟုတ်ကဲ့။ ဒီမေးခွန်းကို ဆရာကြီးမဖြေပါနဲ့တော့ခင်ဗျာ ..။ မေးခဲ့သမျှမေးခွန်းများအားလုံးက ကျနော့်ရဲ့ လူဆိုတာဟာ မျောက်ကဆင်းသက်လာတာ မဟုတ်ဘူး ဆိုတဲ့ အကြောင်းပြချက်တွေပါပဲ ။ ဆရာကြီးတို့ လူတွေမှာပဲရှိတတ်တဲ့ အဲဒီအကျင့်ဆိုးများအားလုံး ကျနော်တို့ မျောက်တွေမှာ လုံးဝ မရှိပါဘူးခင်ဗျာ။
အဲဒီတော့ ...ကျနော်တို့မျောက်တွေရဲ့ ဂုဏ်သိက္ခာကို ငဲ့ညှာကာကွယ်သောအားဖြင့် လူဟာ လူကဆင်းသက်လာတာပါ လို့ ပြင်ပေးစေချင်ပါတယ် ဆရာကြီးခင်ဗျာ ...´´

ချင်ပန်ဇီအကြီးအကဲကား ဆရာကြီးချားလ်စ်ဒါဝင်လက်မခံခဲ့သော သူ့အတက်ချကေ့စ်လေးကိုဆွဲပြီး ပြန်သွားခဲ့ပါပြီ။

ဆရာကြီး ချားလ်စ်ဒါဝင်ကား .....    .....    ....။                  ။

 ကိုကြည်နိုင်(30.8.2010)