စပါးပင်အလှုပ်အယိမ်းများကြား
ဆိတ်ဖလူးပင်လေး နှင်းရည်စွတ်စို
အရုဏ်ဦးမှာ ပွင့်မည့်ပန်းတို့လည်း
နောက် တစ်မနက်ခင်းမှာ
နေ ရွှေခြည်မျှင်ထဲသို့ တိုးဝင်နိုင်ရန်
မှေးစက်အနားယူနေကြလေပြီ။
ကြည့်စမ်းပါ့ကွယ်
လမင်းကို လမင်းအတိုင်းမြင်ရတဲ့ည
ကြယ်တွေတောင်မှ တစ်ပွင့်ချင်း တစ်ပွင့်ချင်းလေး
လင်းရှင်းဖိတ်လဲ့နေလိုက်တာ
ကြယ်စုံ လစုံနဲ့ ရင်ခုန်စရာကောင်းလှတဲ့ဒီည။
လယ်တောအိမ်ဘေး ချောင်းကလေးတောင်မှ
မျက်လွှာကိုချ၊ သာသာငြိမ့်ငြိမ့်စီးနေပြီလေကွယ်
ညဥ့်ငှက်တို့ရေ …
လယ်သူမလေးအိပ်မက် မပျက်ပါစေနဲ့
သန်းခေါင်ယံကိုစောင့်ကြပ် အလင်းနတ်သမီးငဲ့
သူမ ..
လရောင်တစ်လင်းစာ အမောဖြေနိုင်ဖို့
စောင်းကြိုးသံနဲ့ထွေးပွေ့ နွေးထွေးခွင့်ပေးလှဲ့ပါ။
ကိုကြည်နိုင်
(7th. Jan. 2012/ 02:30 AM)
0 comments:
Post a Comment
Comment လေးတစ်ကြောင်း ဆိုပေမယ့်လို့ ကျနော့်အတွက်ကတော့
ဗီတာမင်တစ်သန်းပါ။ ကျေးဇူးပြုပြီး အခု Post နဲ့ပတ်သက်လို့
စာဖတ်သူရဲ့ ဝေဖန်စကားလေးပြောခဲ့ပါဦးခင်ဗျာ ...။